BMC Job : मुंबई महानगरपालिकेत नोकरीची संधी; अर्ज करण्यासाठी काहीच दिवस शिल्लक

मुंबई : बृहन्मुंबई महानगरपालिकेत भरती सुरू करण्यात आली आहे. ज्युनियर ऑक्युपेशनल थेरपिस्ट/ऑक्युपेशनल थेरपिस्ट, कनिष्ठ भौतिकशास्त्र तज्ज्ञ/भौतिक तज्ज्ञ या पदांवर ही भरती होणार आहे. या पदांसाठी एकूण ३१ जागा उपलब्ध आहेत.

सर्व पात्र आणि इच्छुक उमेदवार या पदांसाठी अर्ज करू शकतात. या पदांसाठी अर्ज करण्याची शेवटची तारीख १७ जानेवारी २०२३ आहे. हेही वाचा - ..तर तुम्हालाही मिळू शकेल इन्कमटॅक्सचा जुना रिफंड

रिक्त जागांचा तपशील

पदांचे नाव - ज्युनियर ऑक्युपेशनल थेरपिस्ट/ऑक्युपेशनल थेरपिस्ट, ज्युनियर फिजिक्स स्पेशलिस्ट/फिजिक्स स्पेशलिस्ट

एकूण रिक्त पदे - ३१

अर्ज पद्धत - ऑफलाइन

अधिकृत वेबसाइट - portal.mcgm.gov.in

ज्युनियर ऑक्युपेशनल थेरपिस्ट / ऑक्युपेशनल थेरपिस्ट - १३ जागा

कनिष्ठ भौतिकशास्त्र तज्ज्ञ/भौतिकशास्त्र विशेषज्ञ - १८

ऑफलाइन अर्ज करण्याची शेवटची तारीख - १७ जानेवारी २०२३

असा करा अर्ज

१. अर्ज विहीत नमुन्यात भरून 'प्रमुख वैद्यकीय अधीक्षक व खाते प्रमुख (माध्यमिक आरोग्य सेवा) यांचे कार्यालय, के.बी. भाभा मनपा सर्वसाधारण रुग्णालय , बांद्रा (प). ७ मजला, डॉ. आर. के. पाटकर मार्ग, मुंबई- ४०००५०' या पत्त्यावर पाठवावा.

२. अर्ज सादर करण्याची अंतिम तारीख १७ जानेवारी २०२३ आहे. शेवटच्या तारखेनंतर प्राप्त झालेले अर्ज तसेच अपूर्ण आणि अपात्र अर्ज विचारात घेतले जाणार नाहीत.

३. अर्जासोबत पात्रता निकषांच्या संदर्भातील कागदपत्रे/प्रशंसापत्रांच्या साक्षांकित छायाप्रती असणे आवश्यक आहे.

४. ऑफलाइन फॉर्म सबमिट करण्यापूर्वी अर्जाची झेरॉक्स घ्यायला विसरू नका.