पुणे - इयत्ता अकरावीच्या प्रवेशासाठी ऑनलाइन नोंदणी आणि अर्जाचा भाग एक भरण्याची प्रक्रिया गुरुवारी (ता.२५) सकाळी अकरा वाजल्यापासून सुरू होणार आहे. त्यामुळे प्रवेशासाठी इच्छुक असणाऱ्या विद्यार्थ्यांची नोंदणी आणि अर्ज भरणे गुरुवारपासून शक्य होणार आहे.
माध्यमिक व उच्च माध्यमिक शिक्षण संचालनालयामार्फत पुणे आणि पिंपरी-चिंचवडसह मुंबई, नाशिक, अमरावती, नागपूर महापालिका क्षेत्रातील कनिष्ठ महाविद्यालयांमध्ये अकरावीच्या प्रवेशासाठी केंद्रीय ऑनलाइन प्रवेश प्रक्रिया राबविण्यात येते. त्याप्रमाणे ही प्रक्रिया प्रत्यक्षात गुरुवारपासून सुरू होणार आहे. विद्यार्थ्यांची नोंदणी, अर्जाचा भाग एक भरणे, अर्ज व्हेरिफाय करून घेणे ही प्रक्रिया गुरुवारपासून सुरू होत आहे. तर उच्च माध्यमिक विद्यालयांची नोंदणी, कनिष्ठ महाविद्यालयांनी भरलेली माहिती तपासून शिक्षण उपसंचालकांनी ऑनलाइन प्रमाणित करण्याची प्रक्रिया यापूर्वीच सुरू झाली आहे.
तर, अर्जातील भाग दोन महाविद्यालयांचा पसंतीक्रम नोंदविण्याची प्रक्रिया महाराष्ट्र राज्य माध्यमिक व उच्च माध्यमिक शिक्षण मंडळातर्फे दहावीचा निकाला जाहीर झाल्यानंतर सुरू होणार आहे, अशी माहिती शिक्षण संचालनालयाने दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
