HSC Result 2024 : महाराष्ट्र राज्य माध्यमिक व उच्च माध्यमिक शिक्षण मंडळातर्फे (MSBSHSE) उद्या (२१ मे) बारावीचा (Hsc) निकाल जाहीर करण्यात येणार आहे. २१ मे मंगळवारी दुपारी १ वाजता बारावीचा निकाल जाहीर करण्यात येणार आहे. मागील कित्येक दिवसांपासून विद्यार्थ्यांना या निकालाची प्रतिक्षा होती. अखेर उद्या निकालाची प्रतिक्षा संपणार आहे.
या संदर्भात नुकतेच महाराष्ट्र राज्य माध्यमिक व उच्च माध्यमिक शिक्षण मंडळातर्फे एक परिपत्रक जारी करण्यात आले आहे. या परिपत्रकात निकालासंदर्भात आणि गुणपडताळणीच्या संदर्भात माहिती देण्यात आली आहे.
दरम्यान, मंगळवारी निकाल लागल्यावर विद्यार्थ्यांना त्यांच्या गुणपत्रिकेची पडताळणी देखील करता येणार आहे. त्यासाठीची माहिती या परिपत्रकात देण्यात आली आहे. ऑनलाईन निकालानंतर इयत्ता १२ वी ची परीक्षा दिलेल्या विद्यार्थ्यांस स्वतःच्या अनिवार्य विषयांपैकी (श्रेणी विषयांव्यतिरिक्त) कोणत्याही विशिष्ट विषयात त्याने संपादित केलेल्या गुणांची गुणपडताळणी करता येईल.
त्यासाठी उत्तरपत्रिकांच्या छायाप्रती (झेरॉक्स कॉपी) पुनर्मूल्यांकनासाठी संबंधित विभागीय मंडळाकडे ऑनलाईन पध्दतीने मागवता येतील. त्यासाठी मंडळाच्या अधिकृत संकेतस्थळावरुन (http://verification.mh-hsc.ac.in) विद्यार्थ्यांना स्वतः अर्ज करता येईल, किंवा कनिष्ठ महाविद्यालयामार्फत ही अर्ज करण्याची सोय उपलब्ध करून देण्यात आलेली आहे.
यासाठी आवश्यक अटी आणि सूचना संकेतस्थळावर देण्यात आलेल्या आहेत. गुणपडताळणीसाठी आणि उत्तरपत्रिका छायाप्रतीसाठी बुधवार, दिनांक २२/०५/२०२४ ते बुधवार, दिनांक ०५/०६/२०२४ पर्यंत अर्ज ऑनलाईन पध्दतीने करता येईल. त्यासोबतच यासाठी लागणारे शुल्क ऑनलाईन पध्दतीने Debit Card / Credit Card / UPI/ Net Banking याद्वारे भरता येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.