इन्स्टिट्यूट ऑफ चार्टर्ड अकाउंटंट्‌स ऑफ इंडियाने चार्टर्ड अकाउंटंट जुलै 2021 अंतिम परीक्षा जुनी व नवीन अभ्यासक्रम आणि फाउंडेशन परीक्षेचा निकाल जाहीर करण्याची वेळ व तारीख जाहीर केली आहे.
सोलापूर : इन्स्टिट्यूट ऑफ चार्टर्ड अकाउंटंट्‌स ऑफ इंडिया (Institute of Chartered Accountants of India - ICAI) ने चार्टर्ड अकाउंटंट (CA) जुलै 2021 अंतिम परीक्षा जुनी व नवीन अभ्यासक्रम आणि फाउंडेशन परीक्षेचा निकाल जाहीर करण्याची वेळ व तारीख जाहीर केली आहे. अधिसूचनेनुसार, निकाल 13 सप्टेंबर किंवा 14 सप्टेंबर 2021 रोजी जाहीर होण्याची शक्‍यता आहे. अशा परिस्थितीत, परीक्षेला बसलेले विद्यार्थी निकाल जाहीर झाल्यानंतर अधिकृत वेबसाइट icai.org वर निकाल पाहू शकतात. आयसीएआयने अधिकृत वेबसाइटवर या संदर्भात एक ट्विट देखील केले आहे.
चार्टर्ड अकाउंटंट अंतिम परीक्षा (जुना अभ्यासक्रम आणि नवीन अभ्यासक्रम) आणि जुलै 2021 मध्ये आयोजित फाउंडेशन परीक्षेचा निकाल सोमवार, 13 सप्टेंबर 2021 (सायंकाळी) / मंगळवार, 14 सप्टेंबर 2021 रोजी जाहीर होण्याची शक्‍यता आहे. सीएची अंतिम परीक्षा 5 जुलै ते 19 जुलै दरम्यान घेण्यात आली. सीए अंतिम (जुनी योजना) गट 1 ची परीक्षा 5, 7, 9 आणि 11 जुलै रोजी आणि सीए अंतिम (जुनी योजना) गट 2 ची परीक्षा 13, 15, 17 आणि 19 जुलै रोजी घेण्यात आली.
जे उमेदवार या परीक्षांमध्ये बसले आहेत, ते icaiexam.icai.org, caresult.icai.org, icai.nic.in वर त्यांचे निकाल पाहू शकतात. उमेदवारांनी लक्षात घ्यावे की, अंतिम परीक्षेचा निकाल (जुना अभ्यासक्रम आणि नवीन अभ्यासक्रम) आणि फाउंडेशन परीक्षेचे उमेदवार ई-मेलद्वारे त्यांचा निकाल मिळवू शकतात. या सुविधेचा लाभ घेण्यासाठी उमेदवारांना 11 सप्टेंबरपासून icaiexam.icai.org या वेबसाइटवर त्यांच्या विनंत्यांची नोंदणी करावी लागेल. जे लोक त्यांच्या विनंत्यांची नोंदणी करतात त्यांना त्यांच्या नोंदणीकृत ई-मेलद्वारे वरील नोंदणीकृत ई-मेल पत्त्यावर त्वरित माहिती उपलब्ध केली जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
