आयकर विभागात सरकारी नोकरीची संधी; 'या' जागांसाठी होणार भरती

IT Recruitment 2022 : आयकर विभागात (Income Tax Department) सरकारी नोकरी (Government Jobs) करू इच्छिणाऱ्या उमेदवारांसाठी एक आनंदाची बातमी आहे. आयकर विभाग, भारत सरकारनं प्रधान मुख्य आयकर आयुक्त, पश्चिम बंगाल (West Bengal) आणि सिक्कीमच्या कार्यालयात विविध पदांसाठी भरतीची जाहिरात प्रसिद्ध केलीय. विभागानं प्रसिद्ध केलेल्या जाहिरातीनुसार, कर निरीक्षक, कर सहाय्यक आणि मल्टी टास्किंग स्टाफच्या (MTS) 24 पदांसाठी पात्र उमेदवारांकडून अर्जही मागविण्यात आले आहेत. दरम्यान, इच्छुक उमेदवार ऑफलाइन पद्धतीनं 18 एप्रिल 2022 पर्यंत आपला अर्ज सबमिट करू शकतात.

भरतीसाठी पात्रता

आयकर विभागानं जारी केलेल्या भरती (IT Recruitment 2022) जाहिरातीनुसार, प्राप्तिकर निरीक्षक पदासाठी उमेदवारानं मान्यताप्राप्त विद्यापीठातून पदवी प्राप्त केलेली असावी. तसेच उमेदवाराचं वय 18 ते 30 वर्षे असावं. कर सहाय्यक पदांसाठीच्या उमेदवारांकडं ग्रॅज्युएशन पदवी, तसेच 8000 KDPH वेगानं डेटा एंट्री करण्यास सक्षम असावं (वय 18 ते 27 वर्षे). मल्टी टास्किंग स्टाफसाठी मान्यताप्राप्त बोर्ड किंवा कौन्सिलमधून दहावी उत्तीर्ण केलेली असावी (वय 18 ते 25 वर्षे).

निवड प्रक्रिया

जाहिरातीनुसार, सर्व पदांसाठी प्राप्त झालेल्या अर्जांची छाननी केल्यानंतर निवडलेल्या उमेदवारांना संबंधित चाचणीसाठी बोलावलं जाईल. तसेच कर सहाय्यक पदासाठी उमेदवारांना डेटा एंट्री कौशल्य चाचणी देखील द्यावी लागेल.