नागपूर : अभियांत्रिकी आणि आर्किटेक्चरच्या प्रथम वर्षांच्या प्रवेशासाठी आज बुधवारी (ता.१२) शहरातील एमआयडीसी पोलिस ठाण्यांतर्गंत आयऑन डिजिटल झोन २ मध्ये जेईई (आर्किटेक्चर) परीक्षा घेण्यात आली.
या परीक्षेदरम्यान दुपारपासून आत गेलेल्या विद्यार्थ्यांना परीक्षेचा वेळ संपून एका तासापेक्षा अधिकचा अवधी झाल्यावरही बाहेर न सोडल्याने एकच गोंधळ उडाला. यावेळी केंद्राच्या गेटवरील सुरक्षारक्षकांनी पालकांशी उद्घट वर्तणूक केल्याने पालकांनी चांगलाच रोष व्यक्त केला.
जेईई आर्किटेक्चर या परीक्षेसाठी हिंगणा येथील एमआयडीसी भागात एक केंद्र देण्यात आले होते. दुपारी २ वाजता विद्यार्थी पेपर देण्यासाठी आत गेले. त्यानंतर सातत्याने या परिसरात पालकांनी गर्दी केली होती. दरम्यान केंद्रावर तांत्रिक घोळामुळे काही वेळ पेपर उशिरा सुरू झाला. दरम्यान ही बाब पालकांना माहिती नसल्याने त्यांनी साडेसात झाल्यावरही विद्यार्थी बाहेर येत नसल्याने तेथील सुरक्षारक्षकाला विचारणा केली.
मात्र, त्याचे वर्तन अतिशय उद्धट असल्याने याबाबत पालकांनी नाराजी व्यक्त केली. दरम्यान इतका वेळ झाल्यावरही पाल्य बाहेर येत नसल्याने पालकांचा संयम सुटला. यामध्ये बहुतांशी महिला पालक असल्याने त्यांनी रोष व्यक्त केला. त्यामुळे परिसरात तणावाचे वातावरण निर्माण झाले होते. याबाबत एमआयडीसी पोलिसांना माहिती मिळताच, त्यांनी घटनास्थळी दाखल होत, परिस्थिती नियंत्रणात आली.
कशासाठी थांबविले विद्यार्थ्यांनाही कळेना
दुपारपासून पेपर घेतल्यावर त्याची वेळ संपल्यानंतही दोन तास अधिक केंद्राचा आत विद्यार्थ्यांना ठेवण्यात आले. यावर पालकांनी संताप व्यक्त केल्यावर विद्यार्थ्यांना सोडण्यात आले. मात्र, त्यांना आत दोन तासापेक्षा अधिक का ठेवण्यात आले. याबाबत त्यांनाही माहिती नसल्याचे विद्यार्थ्यांनी सांगितले. त्यामुळे या प्रकाराबाबत पालकांनी पोलिसांना माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.