बॉर्डर रोड ऑर्गनायझेशनमध्ये मेकॅनिक, पेंटर व इतर पदांची मोठी भरती!

सोलापूर : बॉर्डर रोड ऑर्गनायझेशन (Border Road Organization - BRO) मध्ये सरकारी नोकरी (Government Job) शोधत असलेल्या उमेदवारांसाठी नोकरीची बातमी. संरक्षण मंत्रालयाच्या (Ministry of Defense) अंतर्गत बॉर्डर रोड ऑर्गनायझेशन (BRO) ने जनरल रिझर्व्ह इंजिनिअर फोर्समध्ये (General Reserve Engineer Force) 354 पदांच्या भरतीसाठी जाहिरात प्रसिद्ध केली आहे. BRO ने जारी केलेल्या भरती (Recruitment) जाहिरातीनुसार वाहन मेकॅनिकची 293 पदे, ड्रायव्हर मेकॅनिकल ट्रान्सपोर्टची 16 पदे, जनरल ग्रेड 33 पदे, मल्टी स्किल्ड वर्कर (पेंटर) आणि 12 मल्टी स्किल्ड वर्कर (भोजनशाळा वेटर) या पदांसाठी पात्र उमेदवारांकडून अर्ज मागविण्यात येत आहेत.

असा करा अर्ज

बीआरओ भरती 2021 साठी अर्ज करू इच्छिणारे उमेदवार बॉर्डर रोड ऑर्गनायझेशनच्या अधिकृत वेबसाइट bro.gov.in वरून भरती अधिसूचना डाउनलोड करू शकतात. अर्जाचा फॉर्म भरतीच्या जाहिरातीतच दिला आहे. हा फॉर्म पूर्णपणे भरला पाहिजे आणि आवश्‍यक कागदपत्रांसह जोडला गेला पाहिजे तसेच नोंदणीकृत पोस्टाने पुढे दिलेल्या पत्त्यावर सबमिट केला पाहिजे (कमांडंट GREF सेंटर, दिघी कॅम्प, पुणे - 411015). BRO अधिसूचनेनुसार, उमेदवारांना जाहिरात प्रकाशित झाल्यापासून 45 दिवसांच्या आत त्यांचे अर्ज सादर करावे लागतील.

जाणून घ्या पात्रता व वयोमर्यादा

• वाहन मेकॅनिक : मान्यताप्राप्त मंडळाकडून मॅट्रिक पास आणि मोटर वाहन / डिझेल / हीट इंजिनच्या मेकॅनिकचे प्रमाणपत्र. वय 18 ते 27 वर्षे.

• ड्रायव्हर मेकॅनिकल ट्रान्सपोर्ट सामान्य ग्रेड : मान्यताप्राप्त बोर्डाकडून मॅट्रिक पास आणि अवजड मोटार वाहनाचा ड्रायव्हिंग लायसन्स. वय 18 ते 27 वर्षे.

• मल्टी स्किल्ड वर्कर (पेंटर) : मान्यताप्राप्त बोर्डातून मॅट्रिक पास आणि ITI पेंटरचे प्रमाणपत्र. वय 18 ते 25 वर्षे.

• मल्टी स्किल्ड वर्कर (भोजनशाळा वेटर) : मान्यताप्राप्त बोर्डातून मॅट्रिक पास. वय 18 ते 25 वर्षे.