३७ वी महाराष्ट्र सेट परीक्षा २६ सप्टेंबर रोजी पार पडली होती. परीक्षेत एकूण ७९,७७४उमेदवार उपस्थित होते. यापैकी ५,२९७ उमेदवार सेट परीक्षेत उत्तीर्ण झाले आहेत.
पुणे - प्राध्यापक पदासाठीच्या राज्य पात्रता परीक्षेचा (सेट) (Set Exam) निकाल (Result) जाहीर करण्यात आला आहे. सावित्रीबाई फुले पुणे विद्यापीठाच्या (Pune University) सेट विभागाच्या अधिकृत संकेतस्थळावर शुक्रवारी रात्रीपासूनच उमेदवारांना निकाल पाहायला मिळेल, अशी माहिती महाराष्ट्र सेट समन्वयक डॉ. बी.पी. कापडणीस यांनी सकाळशी बोलताना दिली.
३७ वी महाराष्ट्र सेट परीक्षा २६ सप्टेंबर रोजी पार पडली होती. परीक्षेत एकूण ७९,७७४उमेदवार उपस्थित होते. यापैकी ५,२९७ उमेदवार सेट परीक्षेत उत्तीर्ण झाले आहेत. उत्तीर्णतेची एकूण टक्केवारी ६.६४ टक्के आहे. कोरोनाच्या पार्श्वभूमीवर आवश्यक सर्व काळजी घेत परीक्षा पार पाडण्यात आली होती. मुंबई आणि पुणे शहरात तुलनेने उमेदवारांची उपस्थिती कमी असल्याचे पाहायला मिळाले. पात्र झाल्याचे ई-प्रमाणपत्र उमेदवारांना ४ फेब्रुवारीपासून उपलब्ध करून देण्यात येणार आहे. संकेतस्थळावर आपल्या लॉगीनवर जाऊन उमेदवारांना प्रमाणपत्र मिळेल, अशी माहिती डॉ. कापडणीस यांनी दिली. या निकालाबाबत अधिक माहिती आणि सूचना वेबसाइटवर उपलब्ध आहेत.
कसा पाहाल निकाल?
महाराष्ट्र राज्य पात्रता परीक्षेचा निकाल पाहण्यासाठी सर्वात आधी सावित्रीबाई फुले पुणे विद्यापीठाच्या अधिकृत वेबसाइट http://setexam.unipune.ac.in/ वर जा. या नंतर MH SET निकालाच्या लिंक वर क्लिक करा. यानंतर नवी विंडो स्क्रीन पर दिसेल. यानंतर ड्रॉप डाउन मधून MH SET परीक्षेची तारीख निवडा. यानंतर आवश्यक ती माहिती भरून सबमीट करा आणि निकाल डाऊनलोड करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
