![MHT-CET Result](http://media.assettype.com/esakal%2F2024-06%2F4b853d24-4f72-4a9a-9043-11b5ef73c628%2Fexamm.jpg?w=480&auto=format%2Ccompress&fit=max)
कोल्हापुरातील विविध सहा केंद्रांतून २२ ते ३० एप्रिल या कालावधीत पीसीबी, तर २ ते १६ मे दरम्यान पीसीएम या ग्रुपची परीक्षा दोन सत्रांमध्ये झाली.
कोल्हापूर : कृषी, औषधनिर्माणशास्त्र, विज्ञान आणि तंत्रज्ञान अभ्यासक्रमांच्या प्रवेशासाठी घेतलेल्या महाराष्ट्र राज्य सामाईक प्रवेश परीक्षेचा (MHT-CET) निकाल काल सायंकाळी ऑनलाईन जाहीर झाला. त्यात राज्यात पीसीएम आणि पीसीबी ग्रुपमधील एकूण ३७ विद्यार्थ्यांनी शंभर पर्सेंटाईल गुण मिळाले आहेत. कोल्हापूरच्या सलोनी कराळे या विद्यार्थिनीने भटक्या जमाती (ब) या प्रवर्गामध्ये अव्वल स्थान मिळविले.
कोल्हापुरातील विविध सहा केंद्रांतून २२ ते ३० एप्रिल या कालावधीत पीसीबी, तर २ ते १६ मे दरम्यान पीसीएम या ग्रुपची परीक्षा दोन सत्रांमध्ये झाली. एकूण सुमारे २५ हजार विद्यार्थ्यांनी परीक्षा दिली. त्यात पीसीबी ग्रुपचे ११ हजार आणि पीसीएम ग्रुपच्या १४ हजार विद्यार्थ्यांचा समावेश होता.
नीट, जेईई मेन्स, ॲडव्हान्स या प्रवेश परीक्षांचे निकाल गेल्या दीड महिन्यामध्ये जाहीर झाले. त्यांची पुढील प्रवेशाची प्रक्रियाही सुरू झाली. त्यामुळे एमएचटी-सीईटी परीक्षा दिलेल्या विद्यार्थ्यांना निकालाची प्रतीक्षा होती. ती आज संपली. राज्याच्या सीईटी सेलने सायंकाळी निकाल जाहीर केला. विद्यार्थ्यांनी स्मार्टफोन आणि इंटरनेटची सुविधा असेलल्या ठिकाणांहून स्वतःचा निकाल जाणून घेतला. त्यांनी सीईटी स्कोरकार्ड ऑनलाईन डाऊनलोड करून घेतले. त्यात एकूण गुण, विषयनिहाय गुण, पर्सेंटाईलचा समावेश होता.
९० हून अधिक पर्सेंटाईल मिळालेल्या विद्यार्थ्यांवर कुटुंबीय, नातेवाईक, मित्र-मैत्रिणींनी शुभेच्छांचा वर्षाव केला. ‘सीईटी’चा निकाल जाहीर झाल्याने फार्मसी, कृषी आणि अभियांत्रिकी अभ्यासक्रमांच्या प्रवेशाची प्रक्रिया लवकरच सुरू होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.