पुणे - वैद्यकीय अभ्यासक्रमांना प्रवेश घेऊ इच्छिणाऱ्या विद्यार्थ्यांची प्रतीक्षा अखेर संपली आहे. देशातील वैद्यकीय महाविद्यालयांमध्ये एमबीबीएस, बीडीएस आणि बीएसस्सी नर्सिंग या अभ्यासक्रमांसाठई वैद्यकीय समुपदेशन समितीने वेळापत्रक जाहीर केले आहे. समुपदेशनाच्या पहिल्या फेरीसाठीची नोंदणी प्रक्रिया गुरूवार (ता. २०) पासून सुरू होणार आहे.
समुपदेशन समितीकडून देशपातळीवरील १५ टक्के कोटाअंतर्गत प्रवेशासाठी ही प्रक्रिया राबविली जाते. तर उर्वरित ८५ टक्के जागांवर प्रवेशासाठी संबंधित राज्यांतील यंत्रणेकडून प्रवेश दिले जातात. देशपातळीवर कोट्यासाठीची प्रक्रिया २० जुलैपासून सुरू होणार आहे.
पहिल्या फेरीसाठी २० ते २५ जुलै या कालावधीत नोंदण करता येणार आहे. समुपदेशनाच्या पहिल्या फेरीच्या जागा वाटपाचा निकाल २९ जुलै रोजी जाहीर करण्यात येणार आहेत.
त्यानंतर विद्यार्थ्यांना ३१ जुलै ते ४ ऑगस्ट दरम्यान पहिल्या फेरीत मिळालेल्या संस्थांमध्ये आवश्यक कागदपत्रे जमा करावे लागतील. दुसरी फेरी ९ ते २८ ऑगस्ट २०२३ दरम्यान होणार आहे. तर तिसरी फेरी ३१ ऑगस्ट ते १८ सप्टेंबर या कालावधीत होईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.