पुणे : नवोउद्योजकांच्या स्टार्टअपला प्रोत्साहन देण्यासाठी आणि त्यांच्या स्टार्टअपसाठी आवश्यक असणारे मार्गदर्शन तसेच कायदेशीर बाबींसाठी साहाय्य करण्यासाठी सावित्रीबाई फुले पुणे विद्यापीठाने पुढाकार घेण्याचा निर्णय घेतला आहे. त्यामुळे विद्यापीठातील ‘एसपीपीयू रिसर्च पार्क फाउंडेशन’च्या नवोपक्रम, नवसंशोधन आणि साहचर्य केंद्राकडून स्टार्टअपला मार्गदर्शनासाठी अर्ज मागविण्यात आले आहेत. (Startup Training In Pune University)
पुणे विद्यापीठातील आणि संलग्न महाविद्यालयातील विद्यार्थी व अन्य नागरिकांनाही या माध्यमातून आपल्या नवकल्पनांना आकार देता येणार आहे. आयटी, डीप टेक्नॉलॉजी, एज्यु टेक्नॉलॉजी, आर्टिफिशियल इंटेलिजन्स, मशीन लर्निंग, मटेरियल सायन्स, ॲग्रीकल्चर, मीडिया, ई-कॉमर्स, फिनटेक, इलेक्ट्रॉनिक मोबेलिटी यांसह अन्य क्षेत्रांतील प्राथमिक अवस्थेतील स्टार्टअपला मार्गदर्शन करण्यात येणार आहे. यासाठी अर्ज करण्यासाठी १५ मार्च २०२२ पर्यंत मुदत विद्यापीठातर्फे देण्यात आली आहे.
हे सर्वांसाठी खुले असणार असून व्यवसायांच्या कल्पना असणाऱ्या अशा नवकल्पकांना, सुरुवातीच्या टप्प्यातील स्टार्टअप सुरू करणाऱ्या गटांना, कंपन्यांना तसेच प्राध्यापक, विद्यार्थी अशा सर्वांना यासाठी अर्ज करता येणार आहे. याबाबतची संपूर्ण माहिती विद्यापीठाच्या ‘http://iil.unipune.ac.in’ या संकेतस्थळावर उपलब्ध आहे, अशी माहिती नवोपक्रम, नवसंशोधन आणि साहचर्य केंद्राच्या संचालिका डॉ. अपूर्वा पालकर यांनी दिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
