![Online-Admission](http://media.assettype.com/esakal%2Fimport%2Fs3fs-public%2Fnews-story%2Fcover-images%2F2Online_Admission_13.jpg?w=480&auto=format%2Ccompress&fit=max)
इयत्ता अकरावीच्या केंद्रीय ऑनलाइन प्रवेश प्रक्रियेअंतर्गत राज्यात आतापर्यंत जवळपास सव्वा लाख विद्यार्थ्यांनी ऑनलाइन नोंदणी केली आहे.
पुणे - इयत्ता अकरावीच्या केंद्रीय ऑनलाइन प्रवेश प्रक्रियेअंतर्गत राज्यात आतापर्यंत जवळपास सव्वा लाख विद्यार्थ्यांनी ऑनलाइन नोंदणी केली आहे. मुंबईमध्ये ७१ हजार ८६१ विद्यार्थ्यांची सर्वाधिक नोंदणी झाली आहे. तर पुण्यातून ३५ हजार ८०० विद्यार्थ्यांनी ऑनलाइन नोंदणी केली आहे.
राज्यातील मुंबई, पुणे आणि पिंपरी-चिंचवड, नाशिक, अमरावती, नागपूर महापालिका क्षेत्रांतील इयत्ता अकरावीचे प्रवेश केंद्रीय ऑनलाइन पद्धतीने करण्यात येतात. तर उर्वरित राज्यात प्रवेश हे प्रचलित पद्धतीनुसार करण्यात येतात. केंद्रीय ऑनलाइन प्रवेश प्रक्रियेअंतर्गत ऑनलाइन नोंदणी करण्याची प्रक्रिया ३० मे पासून सुरू झाली असून आतापर्यंत एक लाख २५ हजार १८६ विद्यार्थ्यांनी ऑनलाइन नोंदणी केली आहे.
माध्यमिक व उच्च माध्यमिक शिक्षण संचालनालयामार्फत ही प्रवेश प्रक्रिया राबविण्यात येत आहे. ३० मे पासून ऑनलाइन नोंदणी प्रवेश अर्ज भाग एक भरणे, अर्ज प्रमाणित (व्हेरीफाय)करून घेणे, कनिष्ठ महाविद्यालयांची नोंदणी करणे आणि माहितीत बदल करणे यासाठी ऑनलाइन सुविधा उपलब्ध झाली आहे. पुणे आणि पिंपरी-चिंचवड महापालिका हद्दीतील कनिष्ठ महाविद्यालयात प्रवेशासाठी इच्छुक असणाऱ्या विद्यार्थ्यांच्या नोंदणीचा ३५ हजारांचा टप्पा आतापर्यंत आतापर्यंत पूर्ण झाला आहे. पुण्यात तब्बल १७ हजार ३३० विद्यार्थ्यांनी अर्ज भरून लॉक केले आहेत. तर १३ हजार २८७ अर्जांची पडताळणीही पूर्ण झाली आहे.
राज्य मंडळातर्फे इयत्ता दहावीचा निकाल जाहीर झाल्यानंतर विद्यार्थ्यांना अर्जाचा भाग दोन मधून कनिष्ठ महाविद्यालयांची पसंती नोंदविता येणार आहे. दरम्यान, पुणे आणि पिंपरी-चिंचवड महापालिका हद्दीतील उच्च माध्यमिक शाळा, कनिष्ठ महाविद्यालयांची नोंदणी, माहिती तपासून अंतिम करणे, माहितीत दुरुस्ती करणे, महाविद्यालयांनी भरलेली माहिती तपासून व्हेरीफाय करणे ही प्रक्रिया देखील सुरू आहे.
इयत्ता अकरावीच्या ऑनलाइन प्रवेश प्रक्रियेचा आढावा :
तपशील : पुणे : मुंबई : नागपूर : नाशिक : अमरावती
ऑनलाइन नोंदणी : ३५,८०० : ७१,८६१ : ८,११५ : ६,५२३ : २,८८७
लॉक केलेले अर्ज : १७,३३० : ३४,२२६ : ४,६२० : ३,६४१ : २,१७२
पडताळणी झालेले (व्हेरीफाय) अर्ज : १३,२८७ : २६,०९० : ३,१२९ : २,२३८ : १,०६८
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.