पॉवरग्रीड कॉर्पोरेशनमध्ये फिल्ड इंजिनिअर व सुपरवायझर पदांची भरती!

सोलापूर : पॉवरग्रीड कॉर्पोरेशन ऑफ इंडिया लिमिटेड (Powergrid Corporation of India Limited) (PGCIL) मध्ये नोकरीची मोठी संधी आहे. PGCIL ने फिल्ड इंजिनिअर (Field Engineer) आणि फिल्ड सुपरवायझर (Field Supervisor) पदांच्या भरतीसाठी अधिसूचना जारी केली आहे. या अंतर्गत ज्या उमेदवारांना या पदांसाठी ऑनलाइन अर्ज करायचा आहे त्यांनी अधिकृत वेबसाइट powergridindia.com ला भेट देऊन ऑनलाइन अर्ज करू शकतात. उमेदवारांनी हे लक्षात घ्यावे, की या पदांसाठी अर्ज करण्याची अंतिम तारीख 27 ऑगस्ट 2021 आहे. शेवटच्या तारखेनंतर कोणतेही अर्ज स्वीकारले जाणार नाहीत.

या तारखा लक्षात ठेवा

• ऑनलाइन अर्ज सादर करण्याची आणि अर्जाचे शुल्क ऑनलाइन भरण्याची तारीख : 13 ऑगस्ट 2021 (संध्याकाळी 5.00) पासून

• ऑनलाइन अर्ज सादर करण्याची आणि अर्ज फी ऑनलाइन भरण्याची शेवटची तारीख : 27 ऑगस्ट 2021 (23:59) पर्यंत

रिक्त पदांचा तपशील

• फिल्ड इंजिनिअर (इलेक्‍ट्रिकल) : 48

• फिल्ड इंजिनिअर (सिव्हिल) : 17

• फिल्ड सुपरवायझर (इलेक्‍ट्रिकल) : 50

• फिल्ड सुपरवायझर (सिव्हिल) : 22

शैक्षणिक पात्रता

फिल्ड इंजिनिअर पदांसाठी ऑनलाइन अर्ज करणाऱ्या उमेदवारांकडे मान्यताप्राप्त विद्यापीठ किंवा संस्थेतून संबंधित विषयात पूर्णवेळ BE आणि B.Tech पदवी असणे आवश्‍यक आहे. तर फिल्ड इंजिनिअर पदांसाठी ऑनलाइन अर्ज करणारे उमेदवार 29 वर्षांचे असावेत.

असा करा ऑनलाइन अर्ज

फिल्ड इंजिनिअर आणि फिल्ड सुपरवायझर या पदांसाठी जे उमेदवार ऑनलाइन अर्ज करत आहेत, त्या सर्व इच्छुक पात्र उमेदवारांनी प्रथम फक्त पॉवरग्रीडच्या http://www.powergrid.in ला भेट द्यावी. नंतर करिअर विभागात, नंतर नोकरीच्या संधी आणि नंतर ऑल इंडिया बेसिसवर कार्यकारी पदांवर लॉग इन करा.

असे असेल शुल्क

• फिल्ड इंजिनिअर (इलेक्‍ट्रिकल/सिव्हिल) : रु .400

• फिल्ड सुपरवायझर (इलेक्‍ट्रिकल/सिव्हिल) : रु .300

अशा प्रकारे होईल निवड

परीक्षा आणि मुलाखतीच्या आधारे उमेदवारांची निवड केली जाईल. फिल्ड इंजिनिअर्ससाठी मुलाखत/ फिल्ड सुपरवायझर्ससाठी स्क्रीनिंग टेस्टमधील कामगिरीच्या आधारावर अंतिम चाचणी घेतली जाईल. या भरतीशी संबंधित अधिक माहितीसाठी उमेदवार अधिकृत वेबसाइटला भेट देऊ शकतात.