युनियन बॅंकेत व्यवस्थापक पदांसाठी भरती! 3 सप्टेंबरपर्यंत करा अर्ज

सोलापूर : युनियन बॅंक ऑफ इंडियामध्ये (Union Bank of India) (UBI) सरकारी नोकरी (Government job) शोधू इच्छिणाऱ्यांसाठी आनंदाची बातमी आहे. यूबीआयने विविध विभागांमध्ये सहाय्यक व्यवस्थापक (Assistant Manager), व्यवस्थापक (Manager) आणि वरिष्ठ व्यवस्थापक (Senior manager) या पदांसाठी विशेष अधिकारी म्हणून भरतीसाठी जाहिरात प्रसिद्ध केली आहे. बॅंकेने जारी केलेल्या भरती जाहिरातीनुसार, एकूण 347 रिक्त जागांसाठी पात्र उमेदवारांकडून अर्ज मागवण्यात येत आहेत. इच्छुक उमेदवार यूबीआयच्या अधिकृत वेबसाइट unionbankofindia.co.in. वर उपलब्ध असलेल्या ऑनलाइन अर्जाद्वारे अर्ज करू शकतात अर्ज प्रक्रिया आज, 12 ऑगस्ट 2021 पासून सुरू झाली असून उमेदवार 3 सप्टेंबर 2021 पर्यंत ऑनलाइन अर्ज सादर करू शकतील.

https://ibpsonline.ibps.in/ubirscoaug21/ या लिंकवरून तपासा UBI भरती 2021 ची अधिसूचना

पोस्टनिहाय रिक्त पदांची संख्या

• सीनिअर मॅनेजर (रिस्क) - 60 पदे

• मॅनेजर (रिस्क) - 60 पदे

• मॅनेजर (सिव्हिल इंजिनिअर) - 7 पदे

• मॅनेजर (आर्किटेक्‍ट) - 7 पदे

• मॅनेजर (इलेक्‍ट्रिकल इंजिनिअर) - 2 पदे

• मॅनेजर (प्रिंटिंग टेक्‍नॉलॉजिस्ट) - 1 पद

• मॅनेजर (फॉरेक्‍स) - 50 पदे

• मॅनेजर (चार्टर्ड अकाउंटंट) - 14 पदे

• असिस्टंट मॅनेजर (टेक्‍निकल ऑफिसर) - 26 पदे

• असिस्टंट मॅनेजर (फॉरेक्‍स) - 120 पदे

पात्रता...

सहाय्यक व्यवस्थापक पदांसाठी उमेदवार मान्यताप्राप्त संस्थेतून पदवीधर आणि MBA/PGDBM किंवा अभियांत्रिकी पदवी असणे आवश्‍यक आहे. त्याच वेळी व्यवस्थापक पदांसाठी संबंधित ट्रेड / विषय किंवा क्षेत्रात पदवी किंवा पीजी असणे आवश्‍यक आहे आणि किमान तीन वर्षांचा अनुभव असणे आवश्‍यक आहे. वरिष्ठ व्यवस्थापक पदांसाठी CA, CFA, CS किंवा MBA किमान पाच वर्षांचा अनुभव आवश्‍यक. उमेदवारांचे वय वरिष्ठ व्यवस्थापक पदासाठी 30 ते 40 वर्षे, व्यवस्थापक पदासाठी 25 ते 35 वर्षे आणि सहाय्यक व्यवस्थापक पदासाठी 20 ते 30 वर्षे असावे. पात्रतेशी संबंधित अधिक तपशिलासाठी भरती अधिसूचना पाहा.