संधी नोकरीच्या... : ॲडव्हान्स डिझाईनमधील यूआय, यूएक्स

आपल्याकडे मोबाइल, वेबसाइट डिझाईनसारख्या तांत्रिक कौशल्यांबद्दल मूलभूत ज्ञानासह संशोधन, विश्लेषणात्मक विचार, व्हिज्युअल डिझाइन, मानव-संगणकाच्या परस्परसंवादाचे मानसशास्त्र अवगत असल्यास यूआय/यूएक्स डिझाईन करिअर आपल्यासाठी योग्य ठरेल.

यूआय/यूएक्स म्हणजे काय?

यूआय/यूएक्स डिझाईन हे डिझाइन स्पेशलायझेशन आहे. यूआय आणि यूएक्स डिझाईनमध्ये एक विशिष्ट फरक आहे. यूआय किंवा यूजर इंटरफेस डिजिटल सेवा किंवा उत्पादन वापरताना वापरकर्ता ज्यांच्याशी संवाद साधू शकतो, अशा प्रत्येक गोष्टीसह सर्वकाही हाताळतो. यूआय डिझाईनमध्ये स्क्रीन, की-बोर्ड, लाइट आणि साउंड यांसारख्या डिजिटल उत्पादनांचे भिन्न पैलू समाविष्ट आहेत. तर, यूएक्स अ‍ॅप, उत्पादन किंवा ऑपरेटिंग सिस्टिमसह वापरकर्त्याच्या परस्परसंवादाशी संबंधित आहे. यूएक्स डिझाईनचा उत्पादनाच्या एकूण अनुभवाशी संबंध असतो.

अभ्यासक्रम

उमेदवार पदवी व पदव्युत्तर (पीजी) स्तरावर यूआय/यूएक्स डिझाइन अभ्यासक्रम घेऊ शकतात. ते युजर एक्स्पिरिअन्स डिझाईनमधील बीडी, कम्युनिकेशन डिझाईन इन बीडी, बीआयडी यूएक्स, यूआय डिझाईन अँड डेव्हलपमेंटमधील बीएससी, इंटरॲक्शन डिझाईनमधील बीडी, व्हिज्युअल कम्युनिकेशनमधील बीडी, यूआयमध्ये बीएससी करू शकतात. ग्राफिक्स डिझाइन, बीसीए (डिझाईन-अ‍ॅनिमेशन/ग्राफिक्स/यूआय-यूएक्स) इत्यादी पीआय स्तरावर करण्याची सोय आहे. पदवी व्यतिरिक्त, उमेदवार यूआय/यूएक्स डिझाईनमध्ये डिप्लोमा अभ्यासक्रम घेऊ शकतात.

उत्तीर्ण गुणांसह मान्यताप्राप्त मंडळाकडून १०+२ पूर्ण केले असल्यास उमेदवार UI / UX मध्ये UG पदवी घेऊ शकतात. कोणत्याही शाखेतील (विज्ञान/वाणिज्य/कला) यूआय/यूएक्स अभ्यासक्रम प्रवेशासाठी पात्र आहेत. दुसरीकडे, पीजी स्तरीय यूआय/यूएक्स डिझाईन कोर्समध्ये प्रवेश मिळविण्यासाठी उमेदवारांनी मान्यता प्राप्त महाविद्यालय/संस्थेतून पदवी पूर्ण केली पाहिजे.

डिझाइन स्पेशलायझेशन म्हणून यूआय/यूएक्ससाठी इच्छुकांना पुरेसे तांत्रिक ज्ञान व तपशीलासाठीची नजर असणे आवश्यक आहे. कला, मानसशास्त्र, बीबीए, बी.टेक इन कॉम्प्यूटर सायन्स/आय.टी./ इलेक्ट्रिकल या विषयांत पदवी संपादन केलेले विद्यार्थी या उद्योगाचे आदर्श उमेदवार आहेत.

डिजिटल मार्केटर, कंटेंट रायटर, विपणन कार्यकारी अधिकारी, ब्रँडिंग सल्लागार आणि ग्राफिक डिझाइनर, मोबाईल अॅप डेव्हलपर किंवा वेबसाइट विकसक, व्हिडिओ एडिटर, उत्पादन व्यवस्थापक इत्यादी आयटी उद्योगातील विपणन उद्योगातील कार्यरत व्यावसायिक देखील सहजपणे या उद्योगात येऊ शकतात.

यूआय/ यूएक्स जॉब प्रोफाइल

यूआय/यूएक्स डिझाईन अभ्यासक्रम पूर्ण केल्यानंतर, इच्छुक त्याच कोर्समध्ये पुढील अभ्यास करू शकतो किंवा नोकरी करू शकतो. यातील सर्वांत लोकप्रिय जॉब प्रोफाइल म्हणजे UI डिझाइनर किंवा UX डिझायनर बनणे. अशा जॉब प्रोफाइलमध्ये वापरकर्ता स्क्रीनवर असलेल्या प्रत्येक स्क्रीन/पेजच्या डिझाइनसाठी जबाबदार असतो. अशा प्रकारे, यूआय डिझायनरला स्टाइल पॅलेट तयार करण्याची आणि त्यानंतर संपूर्ण उत्पादनात एक सुसंगत डिझाइन भाषा वापरण्याची जबाबदारी दिली जाते. यूआय डिझायनरने उत्पादनाच्या दृश्य घटकांमध्ये सुसंगतता आणणे अपेक्षित असते. आधुनिक तंत्रज्ञानामुळे आता विद्यार्थी इ-लर्निंगद्वारे नवीन कौशल्ये शिकू शकतात. कोर्सरा, उडेमी, एडएक्स, लिंडासारखे ऑनलाइन कोर्स उपलब्ध आहेत.

मान्यताप्राप्त महविद्यालये व विद्यापीठे

• NID (National Institute of Design), Ahmedabad

• IDC, IIT Bombay

• Pearl Academy, (Delhi, Mumbai, Jaipur)

• NIFT, Delhi

• MAEER’S MIT Institute of Design, Pune

• Srishti School of Art Design and Technology, (Bengaluru, Pune, Trivandrum)

• Indian School of Design and Innovation, (Mumbai)

• GD Goenka School of Fashion & Design, (Mumbai)

• Sir J J Institute of Applied Art, (Mumbai)

• Delhi College of Art, Delhi

• DOD(Department of Design), IIT Guwahati

• DJ Academy of Design, Tamil Nadu

• Amity School of Fine Arts, Noida

• Banaras Hindu University, Varanasi

• Shri Venkateshwara College of Fine Arts, Hyderabad

जॉब प्रोफाईल

• Top Job Roles in the UX Industry:

• User Researcher

• Wireframe Expert

• Content Strategist

• Information Architecture (UX Designer)

• Usability Tester

• Interaction Designer

• Visual Designer (UI Designer)

• UX/UI Developer ( Involves coding like HTML, CSS, Javascript, etc.)

गेल्या दहा वर्षांत यूएक्स फील्ड वेगाने विकसित झाला आहे आणि येत्या काही वर्षांत नोकरीनिर्मिती करणाऱ्या उच्च उद्योगांपैकी एक म्हणून वाढत आहे. अधिक अभ्यास करा, अधिक ज्ञान मिळवा आणि आपण या उद्योगासाठी योग्य आहात की नाही, याची खात्री करा.