सातारा : NBCC Recruitment 2021 : केंद्रीय गृहनिर्माण मंत्रालयांतर्गत एनबीसी (इंडिया) लिमिटेड या सार्वजनिक क्षेत्रातील कंपनीने अनुसूचित जाती, अनुसूचित जमाती, इतर मागासवर्गीय आणि दिव्यांग उमेदवारांसाठी विशेष भरती मोहीम सुरू केली आहे. भारत सरकारच्या नवरत्न कंपन्यांपैकी एका एनबीसीने विविध रिक्त जागांसाठी पात्र उमेदवारांकडून अर्ज मागविले आहेत. ऑफिस असिस्टंट (स्टेनोग्राफर), सीनियर स्टेनोग्राफर, असिस्टंट मॅनेजर, सीनियर प्रोजेक्ट एक्झिक्युटिव्ह, डिप्टी प्रोजेक्ट मॅनेजर (सिव्हिल), प्रोजेक्ट मॅनेजर (सिव्हिल), डेप्युटी जनरल मॅनेजर (सिव्हिल) आणि अप्पर जनरल मॅनेजर (फायनान्स) अशी एकूण कंपनीची पदे आहेत, यासाठी 12 रिक्त जागांकरीता आपल्याला अर्ज करता येईल.
कसा करावा अर्ज?
एनबीसीसी विशेष भरती अभियानाअंतर्गत विविध पदांसाठी अर्ज करण्यास इच्छुक असलेल्या उमेदवारांनी एनबीसीसीच्या अधिकृत संकेतस्थळावर nbccindia.com भेट द्यावी व त्यानंतर येथे दिलेल्या संबंधित भरती जाहिरातींसह ऑनलाईन अर्ज करण्यासाठी लिंकवर क्लिक करुन आपण ऑनलाईन अर्ज भरु शकता. दरम्यान, अर्ज भरत असताना उमेदवारांना प्रथम नोंदणी करावी लागेल. त्यानंतर उमेदवाराने संकेतस्थळावर आपला लॉगिन आयडी प्रविष्ट करुन तिथे देण्यात आलेली माहिती समजून घ्यावी आणि आपला अर्ज प्रविष्ट करावा. अर्ज भरत असताना उमेदवाराला कोणतीही अर्ज फी भरावी लागणार नाही.
अशी होईल निवड
ऑफिस असिस्टंट (स्टेनोग्राफर) आणि ज्येष्ठ स्टेनोग्राफर या पदांच्या उमेदवारांची कौशल्य चाचणीच्या आधारे एनबीसीसीने जाहीर केलेल्या पदांमधून निवड केली जाईल. उर्वरित इतर पदांच्या उमेदवारांची निवड वैयक्तिक मुलाखतीच्या आधारे केली जाईल. ज्यात कौशल्य चाचणी किंवा वैयक्तिक मुलाखतीसाठी उमेदवारांची त्यांच्या अर्जाच्या तपशीलांच्या आधारे निवड होईल, असेही स्पष्ट केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.