फिट इंडिया क्वीझसाठी दोन लाख विद्यार्थ्यांची मोफत नोंदणी!

सोलापूर : भारत सरकारच्या (Government of India) क्रीडा मंत्रालयाने (Ministry of Sports) फिट इंडिया क्वीझसाठी (Fit India Quiz) दोन लाख शालेय विद्यार्थ्यांसाठी मोफत नोंदणी करण्याची घोषणा केली आहे. या संदर्भात, प्रेस इन्फॉर्मेशन ब्यूरो (Press Information Bureau) (पीआयबी इंडिया) ने आपल्या अधिकृत ट्विटर हॅंडलद्वारे एक प्रेस रिलीज जारी करून माहिती शेअर केली आहे, ज्यामध्ये असे म्हटले आहे की, प्रत्येक शाळेद्वारे प्रथम येणाऱ्यास प्रथम तत्त्वावर प्राधान्य देत जास्तीत जास्त दोन विद्यार्थ्यांना क्वीझसाठी मोफत नावनोंदणी करता येईल.

प्रेस रीलिजमध्ये पुढे म्हटले आहे की, फिट इंडिया क्वीझमध्ये भारतात प्रथमच सहभागी शालेय मुलांसाठी फिटनेस आणि स्पोर्टस्‌ क्वीझ अधिक आकर्षक बनवण्यात आले आहे. देशभरातील शालेय विद्यार्थ्यांना एक मोठी भेट म्हणून क्रीडा मंत्रालयाने जाहीर केले आहे की, एक लाख शाळांमध्ये नोंदणी केलेले पहिले दोन लाख विद्यार्थी आता देशव्यापी भारत क्वीझसाठी मोफत नोंदणी करू शकतात. प्रत्येक शाळा जास्तीत जास्त दोन विद्यार्थ्यांची मोफत नोंदणी करू शकते. प्रथम येणाऱ्यास प्रथम प्राधान्य या तत्त्वावर मोफत नोंदणी केली जाईल.

शालेय मुलांमध्ये फिटनेस आणि खेळांविषयी जागरूकता वाढवण्यासाठी केंद्रीय युवा व्यवहार आणि क्रीडा मंत्री अनुराग ठाकूर यांनी हा निर्णय जाहीर केला आहे. मंत्री अनुराग ठाकूर यांनी सांगितले, की फिट इंडिया क्वीझ पंतप्रधानांच्या संकल्पनेतील फिट इंडिया चळवळीचा एक भाग म्हणून सुरू करण्यात आली आहे, ज्यामुळे तंदुरुस्त जीवन जगण्याबाबत मोठ्या प्रमाणावर जनजागृती करण्यात महत्त्वाची भूमिका बजावते. जास्तीत जास्त विद्यार्थ्यांना फिट इंडिया क्वीझमध्ये सहभागी होण्यासाठी प्रेरित करण्यासाठी पहिल्या एक लाख शाळांमधील दोन लाख विद्यार्थ्यांचे सहभाग शुल्क माफ करण्यात आले आहे.

केंद्रीय शिक्षणमंत्री धर्मेंद्र प्रधान यांच्या उपस्थितीत मंत्री अनुराग ठाकूर यांनी 1 सप्टेंबर रोजी फिट इंडिया क्वीझ, क्रीडा आणि फिटनेसविषयी पहिली राष्ट्रव्यापी क्वीझ लॉंच केली. बक्षिसाची एकूण रक्कम 3.25 कोटी आहे. प्रश्नोत्तरामध्ये देशातील प्रत्येक राज्य / केंद्रशासित प्रदेशातील प्रतिनिधी असतील आणि ते ऑनलाइन आणि प्रसारण फेऱ्यांशी संबंधित असतील. याचे स्वरूप सर्वसमावेशक पद्धतीने तयार केले गेले आहे, ज्यामुळे देशभरातील शालेय विद्यार्थ्यांना त्यांच्या स्पर्धकाविरुद्ध त्यांच्या फिटनेस आणि क्रीडा ज्ञानाची चाचणी घेण्याची संधी मिळते. फिट इंडिया क्वीझमध्ये सहभागी होण्यासाठी तपशीलवार माहिती फिट इंडियाच्या अधिकृत वेबसाइटवर उपलब्ध आहे.