Career Tips : महिलांसाठी बेस्ट आहेत 'हे' करिअर ऑप्शन्स, जाणून घ्या ‘या’ कोर्सेसबद्दल

Career Tips : आजकाल प्रत्येक क्षेत्रात महिला आघाडीवर आहेत. पुरूषांच्या खांद्याला खांदा लावून अनेक महिला काम करत आहेत. असे कोणतेही क्षेत्र नाही की, जिथे महिला कार्यरत नाहीत. अगदी बांधकाम क्षेत्रापासून ते वैज्ञानिकापर्यंत सर्वच क्षेत्रांमध्ये महिलांचे कौशल्य दिसून येते.

अनेक महिला करिअर घडवण्यासाठी कामाचे ठिकाण, वेळ आणि त्यांच्या सोयीनुसार करिअरचे क्षेत्र निवडताना दिसतात. आज आम्ही तुम्हाला अशाच काही कोर्सेसबद्दल सांगणार आहोत. ज्यामध्ये महिला चांगले करिअर घडवू शकतात.

शिक्षण क्षेत्र

शिक्षकी पेशाची नोकरी करायला अनेक महिलांना आवडते. अनेक महिलांची या क्षेत्रात करिअर करण्याला पसंती असते. यामागचे सर्वात मोठे कारण म्हणजे कामाची वेळ आणि योग्य पगार. त्यामुळे, अनेक महिला या क्षेत्रात करिअर करण्याला प्राधान्य देताना दिसतात. तुमच्या अनुभवांच्या आणि पदवीच्या जोरावर तुम्ही या क्षेत्रात चांगले करिअर करू शकता.

एअर होस्टेस

जर तुम्हाला प्रवासाची आवड असेल आणि लोकांशी संवाद साधायला आवडत असेल तर एअर होस्टेसचा जॉब तुमच्या करिअरसाठी बेस्ट आहे. एअर होस्टेस बनण्यासाठी तुम्ही १२ वी उत्तीर्ण असणे आवश्यक आहे. बारावीनंतर तुम्ही डिप्लोमा किंवा शॉर्ट टर्म कोर्स करून या क्षेत्रात तुमचे करिअर करू शकता. एअर होस्टेस बनण्यासाठी तुमचे वय १९ ते २५ वर्षांच्या दरम्यान असणे आवश्यक आहे. महिलांसाठी हा एक बेस्ट करिअर ऑप्शन आहे.

फॅशन डिझायनिंग

जर तुम्हाला फॅशन इंडस्ट्रीची आवड असेल आणि फॅशनचा चांगला सेन्स असेल तर तुम्ही फॅशन डिझायनिंगमध्ये उत्तम प्रकारे करिअर करू शकता. फॅशन डिझायनिंगमध्ये करिअर करण्यासाठी तुम्ही डिप्लोमा किंवा डिग्री करू शकता. यासाठी तुम्ही १२ वी उत्तीर्ण असणे आवश्यक आहे.

त्यानंतर, तुम्ही फॅशन डिझायनिंगमध्ये डिप्लोमा किंवा बॅचलर डिग्रीचे शिक्षण घेऊ शकता. यासाठी पदवी अभ्यासक्रमाचा कालावधी ४ वर्षांचा आणि पदविका अभ्यासक्रमाचा कालावधी ३ वर्षांचा आहे. फॅशन डिझायनिंगमध्ये महिलांना कामाच्या अनेक संधी उपलब्ध आहेत.