Career Tips : स्वतःसाठी करिअरचे योग्य क्षेत्र कसे निवडायचे?

Career Tips : आपल्यातील अनेक जणांना १२ वी किंवा १० वी नंतर कोणत्या क्षेत्रात करिअर करावे? कोणते क्षेत्र निवडावे? याबद्दल मनात अनेक प्रश्न असतात. लहानपणी प्रत्येकाने एखादे स्वप्न पाहिलेले असते. जसे, की मला मोठेपणी डॉक्टर व्हायचे आहे, पायलट व्हायचे आहे.

मात्र, १० वी किंवा १२ वीत गेल्यावर पुन्हा एखाद्या वेगळ्या क्षेत्रात रूची निर्माण होते. असे अनेकांच्या बाबतीत होते. मग, अशा वेळी तरूणाईला प्रश्न पडतो की, स्वत:साठी योग्य करिअर कसे निवडावे? आज तुमच्या मनातील या प्रश्नाचे उत्तर देण्याचा प्रयत्न आम्ही या लेखातून करणार आहोत.

स्वत: बदद्ल जाणून घ्या

स्वत:बद्दल जाणून घेणे हे फार महत्वाचे आहे. अनेकदा काय होत की, आपल्याला नेमकं काय आवडत किंवा आपलं टॅलेंट नेमकं कशात आहे? हेच आपल्याला कळत नसत. अशा परिस्थितीमध्ये स्वत:चे आत्मपरिक्षण करा.

स्वत: मध्ये कोणती कौशल्ये आहेत ? ती जाणून घ्या. त्याचे मूल्यमापन करा. थोडक्यात तुमची ताकद कोणत्या क्षेत्रात आहे? हे जाणून घेण्याचा प्रयत्न करा. मग तुम्हाला तुमच्या करिअरची निवड करायला सोपे जाईल.

करिअरचे योग्य प्लॅनिंग महत्वाचे

तुम्हाला ज्या क्षेत्रात करिअर करायचे आहे? त्याचे नीट प्लॅनिंग करा. हे प्लॅनिंग करणे फार महत्वाचे आहे. हे प्लॅनिंग एकदा केल्यानंतर, त्यावर चालण्याचा पुरेपूर प्रयत्न करा. तुमच्या ध्येयांची आखणी करा, ते हवं तर एका डायरीमध्ये लिहा आणि तुमच्यासाठी काय चांगले आहे? हे ओळखायला शिका.

तुम्ही ठरवलेले ध्येय हे तुमच्या आवडीचे आहे ना? हे स्वत:ला विचारून बघा आणि या ध्येयाचा पाठलाग करताना तुम्हाला आनंद मिळेल ना? हे देखील तपासून बघा.

मेहनत करा आणि पुढे जा

तुम्ही कोणतेही क्षेत्र जरी निवडले तरी त्यात मेहनत तुम्हाला करावीच लागणार आहे. मेहनत केली तरच तुम्हाला यश मिळणार आहे. हे अजिबात विसरू नका. तुम्हाला ज्या क्षेत्रात करिअर करायचे आहे.

ते करिअर तुम्ही तुमच्या आवडीने आणि नीट विचार करून निवडा. एकदा ते निवडले की त्यात झोकून देऊन काम करा. मग, बघा तुम्हाला यशस्वी होण्यापासून कुणीच अडवू शकणार नाही.