कल्याण लोकसभा मतदारसंघातील एक विधानसभा मतदारसंघ असलेल्या अंबरनाथ विधानसभा मतदारसंघात शिवसेना एकनाथ शिंदे पक्ष आणि शिवसेना उद्धव ठाकरे पक्ष यांच्यात अटीतटीचा सामना रंगला. अंबरनाथमध्ये एकनाथ शिंदेंच्या शिवसेनेचे बालाजी किणीकर 50 हजार 344 मतांनी विजयी झालेत. त्यांनी उद्धव ठाकरे यांच्या शिवसेनेचे राजेश वानखेडे यांचा पराभव केलाय.
यात शिवसेना एकनाथ शिंदे गटाकडून आमदार डॉ. बालाजी किणीकर यांना तिकीट देण्यात आलं होतं. तर शिवसेना उद्धव बाळासाहेब ठाकरे पक्षाकडून राजेश वानखेडे यांना तिकीट देण्यात आलं. माजी सहकारी विरोधक म्हणून उभे ठाकल्यावर कार्यकर्ते आणि मतदार कोणाला मत देतात हा प्रश्न होताच.