पंतप्रधान नरेंद्र मोदी यांच्या झारखंडमधील दौऱ्यादरम्यान, सुरक्षेच्या कारणास्तव झारखंडचे मुख्यमंत्री हेमंत सोरेन यांच्या हेलिकॉप्टरला उड्डाणासाठी सोमवारी दीड तास उशिरा परवानगी देण्यात आली, असा आरोप झारखंड मुक्ती मोर्चाच्या (जेएमएम) वतीने करण्यात आला आहे. याप्रकरणी राष्ट्रपतींना हस्तक्षेप करावा आणि सर्वांना प्रचाराची समान संधी द्यावी अशी मागणी जेएमएमच्या नेत्यांनी केली आहे.
