कल्याण पूर्वमध्ये भारतीय जनता पक्षाच्या सुलभा गायकवाड यांनी ८१ हजार ५१६ मतं मिळवत विजय मिळवलाय. त्यांना अपक्ष उमेदवार महेश गायकवाड यांनी टक्कर देत ५५ हजार मतं मिळवली. तर उद्धव ठाकरे पक्षाच्या धनंजय बोडारे यांना ३९ हजार ५१२ मतं मिळाली आहेत. कल्याण पूर्व विधानसभा मतदारसंघ महाराष्ट्र राज्यातील २८८ विधानसभा मतदारसंघांपैकी एक आहे.
हा मतदारसंघ ठाणे जिल्ह्यात असून कल्याण-डोंबिवली महापालिकेच्या प्रशासनाखाली येतो. कल्याण महाराष्ट्रातील एक महत्त्वपूर्ण उपनगर आहे, तसेच हे राज्याचे सातवे आणि भारताचे २९वे मोठे शहर मानले जाते.
या मतदारसंघात गणपत गायकवाड यांचा वर्चस्व कायम राहिलं आहे. मात्र ते सध्या तुरुंगात आहेत.
विधानसभा निवडणुकीसाठी भाजपकडून सुलभा गायकवाड यांना तर शिवसेना उद्धव बाळासाहेब ठाकरे पक्षाकडून धनंजय बोडारे यांना उमेदवारी देण्यात आली होती.