महाराष्ट्र विधानसभा निवडणुकांची तयारी जोरात सुरु झाली आहे. राज्यातील विविध पक्षांची यात्रा जोरात सुरु आहे. शरद पवार गटाची शिवस्वराज्य यात्रा आणि अजित पवार गटाची जन सन्मान यात्रा सध्या चर्चेत आहे. उपमुख्यमंत्री अजित पवार आज मंत्री छगन भुजबळ यांच्या येवला मतदारसंघात आहेत. येवल्यात शेतकरी आणि पैठणी कामगारांसोबत चर्चा करण्याचा अजित पवारांचा कार्यक्रम आहे. लाडकी बहीण योजना अंतर्गत येवल्यात महिलांशी संवाद साधणार आहेत. या पार्श्वभूमीवर अजित पवारांचा एक व्हिडिओ सध्या चांगलाच व्हायरल होत आहे. या व्हिडिओमध्ये अजित पवारांचा हजरजबाबीपणा दिसून येतो.