अकोला पश्चिम विधानसभा मतदारसंघ हा महाराष्ट्राच्या राजकारणात चर्चेचा विषय राहिला आहे. भाजपसाठी बालेकिल्ला समजल्या जाणाऱ्या या मतदारसंघात यंदा बंडखोरीचे वादळ पाहायला मिळाले. भाजपने विजय अग्रवाल यांना उमेदवारी दिली होती, तर काँग्रेसकडून साजिद खान पठाण हे मैदानात उतरले होते. या निवडणुकीत हरीश आलिमचंदानी आणि डॉ. अशोक ओळंबे यांनी बंडखोरी करत आपले वेगळे अस्तित्व दाखवले. तरी देखील साजिद खान पठाण यांनी आपली ताकद दाखवली. त्यांचा १२८३ मतांनी विजय झाला. त्यांना ८८ हजार ७१८ मते मिळाले. तर भाजपच्या विजय अग्रवाल यांना ८७ हजार ४३५ मते मिळाली.