मुंबई : 'इम्पोर्टेड माल' या विधानामुळं टीकेचे धनी झालेल्या शिवसेना खासदार अरविंद सावंत यांना हे प्रकरण चांगलंच भोवलं आहे. शिवसेनेच्या मुंबादेवीतील उमेदवार शायना एनसी यांच्या तक्रारीनंतर पोलिसांनी अरविंद सावंत यांच्यावर गुन्हा दाखल केला आहे. अरविंद सावंत यांनी आपल्यावर आक्षेपार्ह टिप्पणी केली असा दावा करत शायना एनसी यांनी थेट पोलिसांत धाव घेतली. त्यानंतर आता सावंत यांच्यावर FIR दाखल करण्यात आला आहे. साम टीव्हीनं याबाबत वृत्त दिलं आहे. भारतीय न्याय संहिता कलम 79 आणि कलम 356 (2) अंतर्गत त्यांच्यावर गुन्हा दाखल करण्यात आला आहे.
