छत्रपती संभाजीनगर: राज्यात विधानसभा निवडणुकांची रणधुमाळी सुरु आहे. सर्वच पक्षाच्या स्टार प्रचारकांसह प्रमुख नेत्यांच्या सभांचा धडाका सुरु आहे. ऑल-इंडिया मजलिस-ए-इत्तेहादुल मुस्लिमीन (एमआयएमचे ) पक्षाचे राष्ट्रीय नेते खासदार असदउद्दीन ओवैसी यांनी पंतप्रधान नरेंद्र मोदी यांच्यावर मराठा आणि ओबीसीत वाद निर्माण करण्याचा आरोप केला आहे. ते छत्रपती संभाजीनगरमधील प्रचारसभेत बोलत होते. ओवेसी म्हणाले की एक है तो सेफ है या नावाखाली पंतप्रधान मोदी हे दोन समाजांना आपापसात लढविण्याचा प्रयत्न करु पाहत आहेत.
