सबस्क्राईब करा
डोंबिवलीः शिवसेना शिंदे गटाचे दीपेश म्हात्रे यांनी ठाकरे गटात प्रवेश करताच उद्धव बाळासाहेब ठाकरे गटातील निष्ठावंत नाराज असल्याची चर्चा गेले अनेक दिवस कानावर होती. अखेर बुधवारी म्हात्रे यांना उमेदवारी जाहीर होताच कल्याण लोकसभा जिल्हाप्रमुख सदानंद थरवळ यांनी पक्षातील पदाचा राजीनामा दिला आहे. संघर्ष काळात सदैव एकनिष्ठ राहणारा शिवसैनिक दुर्लक्षितच राहणार असेल, तर साहेब या निष्ठेचे फळ काय? असे म्हणत त्यांनी आपली नाराजी उघड केली आहे. समाज माध्यमातून हा राजीनामा व्हायरल झाला आहे.