विरोधकांकडे बोलण्यासारखे काहीही नसल्याने त्यांना नावे ठेवण्यापुढे दुसरे काहीच येत नाही, अशी टीकाही उदयनराजेंनी केली.
सातारा : मागील वेळी शिवेंद्रसिंहराजेंचे (Shivendra Singh Raje Bhosale) मताधिक्य कमी झाले; पण यावेळी त्यांना आम्ही राज्यात क्रमांक एकच्या लीडने निवडून आणणार असे सांगतानाच मोठ्या स्विंगने पुन्हा महायुती राज्यात सत्तेत येईल, असा ठाम विश्वास खासदार उदयनराजे भोसले (Udayanraje Bhosale) यांनी व्यक्त केला. दरम्यान, खासदार शरद पवारांनी (Sharad Pawar) त्यांच्या काळात कामे केली नाहीत. त्यामुळे त्यांचे आता पश्चिम महाराष्ट्रातील दौरे वाढले असून, त्यांनी मराठा समाजाच्या भवितव्याकडे दुर्लक्ष केले, अशी टीकाही त्यांनी केली.