छत्रपती संभाजीनगर : वंचित बहुजन आघाडीने आतापर्यंत उमेदवारांच्या चार याद्या जाहीर केल्या. त्यात संभाजीनगर जिल्ह्यातील पाच जागांचा समावेश आहे. वंचितने कुणासोबतही युती, आघाडी केलेली नाही. आता वंचित मतांमध्येही आघाडी घेणार की प्रस्थापितांचे गणित बिघडणार यावर सर्वच प्रमुख राजकीय पक्ष लक्ष ठेवून आहेत. पण, वर्ष २०१९ च्या विधानसभा निवडणुकीत ज्याप्रमाणे वंचितची हवा होती तशी हवा यावेळी तरी दिसत नसल्याचे चित्र आहे.