मुंबई : काँग्रेस खासदार राहुल गांधी हे जाहीर सभांमध्ये हातात लाल रंगाची संविधानाची प्रत उंचावून भाषण करताना दिसतात. यावरुन उपमुख्यमंत्री देवेंद्र फडणवीस यांनी नव्या वादाला तोंड फोडलं होतं. लाल रंग म्हणजे नक्षलवाद्यांचा असून राहुल गांधींना तोच रंग आवडतो, त्यांच्या अवतीभोवती कथित अर्बन नक्षल असतात, अशा आशयाचा गंभीर आरोप त्यांनी केला होता. फडणवीसांच्या या आरोपाला आता काँग्रेसनं जोरदार प्रत्युत्तर दिलं आहे. भाजप आणि राष्ट्रीय स्वयंसेवक संघाला पेशव्यांना दिलेली शिकवण देण्याची गरज आहे, असं काँग्रेस नेते सचिन सावंत यांनी म्हटलं आहे.
