शहर मध्यमधून मुस्लिम समाजाच्या ११ जणांनी उमेदवारीची मागणी केली आहे. यामध्ये एका उच्चशिक्षित मुस्लिम महिलेचाही समावेश आहे.
सोलापूर : जिल्ह्यातील सर्वच मतदारसंघात मुस्लिम मतदार मोठ्या संख्येने असून स्वातंत्र्यपूर्व काळापासून समाज कायम काँग्रेसच्या पाठीशी आहे. यामुळे शहर मध्यमध्ये मुस्लिम समाजाची निर्णायक मते आहेत. इतकेच काय सोलापूर दक्षिण मतदारसंघातही बाबा मिस्त्री यांनी यापूर्वी चांगली मते घेतली आहेत. यामुळे महाविकास आघाडीकडून (Mahavikas Aghadi) मुस्लिम समाजाला (Muslim Community) उमेदवारी मिळावी, अशी अपेक्षा समाजातील निवडक नेत्यांनी एकत्रित पत्रकार परिषदेतून व्यक्त केली.