उदगीर : उदगीर मतदारसंघात झालेल्या भरीव विकास कामाचे श्रेय घेण्याची महाविकास आघाडीकडून धडपड सुरू झाली आहे. निवडणुकीत विकासाचे मुद्देच नसल्याने वातावरण थंडच आहे. प्रमुख विकास कामे झाल्यामुळे महायुती जोमात असून निवडणुकीची चुरस दिवसेंदिवस वाढत आहे. मात्र ही कामे माझ्या कार्यकाळात मंजूर झाल्याचा दावा महाविकास आघाडीचे उमेदवार करत असल्याने विकासाच्या ठोस मुद्यापासून ही निवडणूक दूर जात असल्याचे दिसून येत आहे.