डोंबिवली: दिवाळी पहाट निमित्ताने डोंबिवलीतील फडके रोडवर तरुणाई मोठ्या प्रमाणात गर्दी करते. विधानसभा निवडणुकीच्या पार्श्वभूमीवर डोंबिवली व कल्याण ग्रामिणच्या उमेदवारांनी फडके रोडवर एकमार्गी एंट्री मारत तरुणांना शुभेच्छा दिल्या. यावेळी महायुतीचे रविंद्र चव्हाण, राजेश मोरे व महाविकास आघाडीचे दीपेश म्हात्रे हे एकाच व्यासपीठावर आले. तर मनसेचे उमेदवार राजू पाटील यांनी सगळ्यात लास्ट एंट्री मारत आपला वेगळा तोरा दाखवून दिला. या वातावरणामुळे निवडणुकीच्या प्रचारात एक वेगळीच रंगत चढणार आहे हे बोलले जात आहे.