ठाणे : कळवा मुंब्रा विधानसभा मतदार संघात महायुतीचा आमदार नसल्यामुळे खासदार निधीतून करण्यात आलेल्या विकास कामांमुळे काही लोकांना त्रास होत असल्याची टीका शिवसेना शिंदे गटाचे कल्याण लोकसभा मतदार संघाचे खासदार डॉ. श्रीकांत शिंदे यांनी जितेंद्र आव्हाड यांचे नाव न घेता केली. तसेच यंदाच्या निवडणुकीत पक्ष न पाहता महायुतीचा उमेदवार म्हणून नजीब मुल्ला यांना निवडून आणायचे असल्याचे आवाहन देखील शिंदे यांनी यावेळी केले.