अवघ्या देशाचे लक्ष लागून राहिलेल्या महाराष्ट्रातील विधानसभा निवडणुकीचा 15 ऑक्टोबरला शंखनाद झाला आहे. राज्यात एकाच टप्प्यात येत्या २० नोव्हेंबरला मतदान होणार आहे.
याशिवाय महाराष्ट्रातील नांदेड व केरळमधील वायनाड हे लोकसभा मतदारसंघ तसेच विविध राज्यांमधील ४८ विधानसभा मतदारसंघातील पोटनिवडणुकीसाठी याचवेळी मतदान होणार आहे. दोन्ही राज्ये व पोटनिवडणुकीची मतमोजणी येत्या २३ नोव्हेंबरला होईल.
दरम्यान महाराष्ट्रात उमेदवारी अर्ज दाखल करण्यासाठी 29 ऑक्टोबर ही शेवटची तारीख असल्याने राज्यातील बडे नेते आज उमेदवारी अर्ज दाखल करणार आहेत. यामध्ये मुख्यमंत्री एकनाथ शिंदे आणि उपमुख्यमंत्री अजित पवार यांचाही समावेश आहे.