.jpg?w=480&auto=format%2Ccompress&fit=max)
महाराष्ट्राच्या राजकारणात अडीच वर्षांपूर्वी शिवसेनेमध्ये पडलेली उभी फूट हा राज्याच्या राजकारणातला मोठा भूकंप होता. या प्रकरणाला ३० महिने उलटून गेल्यानंतरही यामुळे निर्माण झालेला राजकीय ताण पुरता निवळलेला नाही.
शिवसेनेतून ४० आमदारांना बाहेर घेऊन पडणारे एकनाथ शिंदे यांच्या भोवती त्यानंतरचे राजकारण फिरत आहे. महायुतीने एकनाथ शिंदे यांना मुख्यमंत्री केले, केंद्रीय निवडणूक आयोगाने शिवसेनेचे ‘धनुष्यबाण’ हे चिन्ह शिंदे यांना दिले. शिवसेना ज्या परिस्थितीत मिळवली त्यामुळे एकनाथ शिंदे यांच्या प्रतिमेला गेलेला ‘तडा’ प्रतिमा संवर्धनासाठी मोठा अडसर होता.