मोखाडा: विक्रमगड विधानसभा निवडणुकीच्या प्रचाराला रंग चढला आहे. गाव खेड्यापाड्यात वाहनांवर ध्वनिक्षेपकावरुन प्रचाराची राळ ऊडवली जात आहे. गाव बैठका घेतल्या जात आहेत. त्यातच मोखाडा तालुक्यातील मुख्य बाजारपेठ असलेल्या खोडाळा गावात शनिवारी आठवडे बाजाराची संधी साधून सर्वच राजकीय पक्षांनी प्रचाराला धुराळा ऊडवला आहे. त्यामध्ये महाविकास आघाडी चे ऊमेदवार सुनिल भुसारांची रॅली लक्षवेधी ठरली आहे.