Tulja Bhavani Temple : तुळजापूर मंदिराच्या विकासाचे भवितव्य: आमदारांची भूमिका महत्त्वाची

तुळजापूर : विधानसभा निवडणुकीवर सर्वांचेच लक्ष असले तरीही तुळजाभवानी मंदिराच्या हितसंबंधांवर सर्वांचेच लक्ष आहे..राज्यात विधानसभा निवडणुकांचा माहोल सध्या मोठ्या प्रमाणावर आहे. तुळजापूर शहरामध्ये मात्र विधानसभा निवडणुकीत तुळजाभवानी मंदिरातील वेगवेगळे पुजारी व्यावसायिक, भाविक यांचे हितसंबंध कसे जोपासले जातील? यावर मोठे लक्ष आहे. तुळजापूरचे आमदार हे तुळजाभवानी मंदिर समितीचे विश्वस्त सदस्य आहेत. तथापि तुळजाभवानी मंदिरात असणाऱ्या सर्व हितसंबंधी लोकांचे हितसंबंध जपणे हे विधानसभा सदस्याचे कर्तव्य असते..तुळजाभवानी मंदिर समिती १९०९ मध्ये निजाम राजवटीपासून सरकारकडे आली. त्यानंतर १९६२ पासून तुळजाभवानी मंदिरात ट्रस्ट कायदा अस्तित्वात आला. तुळजाभवानी मंदिरात भोपे, पाळीकर, उपाध्ये, सेवेकरी, महंत असे वेगवेगळे घटक तेथे कार्यान्वित आहेत. प्रत्येकाचे हितसंबंध जपणे हे प्रशासनाचे काम असले तरीही भाविकांचे हितसंबंध जपणे हे मंदिर समितीचे महत्त्वाचे कार्य आहे. तुळजाभवानी मंदिरात यापूर्वी तुळजापूर शहरातीलच पुजारी व्यावसायिक असणारे कै. साहेबराव हंगरगेकर, कै. माणिकराव खपले हे पुजारी व्यावसायिक आमदार झाले होते..विधानसभेच्या निवडणुकीत सर्व घटकांचे प्रश्न ऐकून घेणे त्यानंतर विधानसभा सदस्याच्या कारकिर्दीत सर्वकाही गोष्टी व्यवस्थित पार पाडणे ही बाब महत्त्वाची असते. विधानसभा निवडणुकीत स्थानिक हितसंबंधी पुजारी यासंदर्भात निवडणुकीच्या कालावधीत फारसे भाष्य करीत नाहीत.राज्य सरकार, पुजारी, तसेच प्रशासन यांच्यातील महत्त्वाचा दुवा म्हणून तुळजापूरच्या निर्वाचित झालेल्या आमदारास जबाबदारी पार पाडावी लागते. अनेक घोषणा करण्यापेक्षा त्याचे उत्तरदायित्व टिकविणे ही मोठी जबाबदारी तुळजापूरच्या निर्वाचित झालेल्या विधानसभा सदस्यास पार पाडावी लागते. विधानसभेच्या निवडणुकीच्या अनुषंगाने अनेक राजकीय जाणकार याबाबीकडे लक्ष ठेऊन आहेत..Shri Tulja Bhavani Temple: तुळजाभवानी मंदिर समितीचे विश्वस्त पद कोणाकडे जाणार?.नगराध्यक्षांची जागा रिकामीचतुळजाभवानी मंदिरामध्ये तुळजापूरचे आमदार, नगराध्यक्ष हे मंदिराचे पदसिद्ध विश्वस्त सदस्य असतात. तुळजाभवानी मंदिरात सध्या नगरपालिकेच्या निवडणुका झाल्या नसल्यामुळे नगराध्यक्ष हे सध्या विश्वस्तपदी कार्यरत नाहीत. त्यामुळे आमदार हेच सध्या जनतेचे लोकप्रतिनिधी म्हणून तुळजाभवानी मंदिरात विश्वस्त आहेत. येत्या ता. २३ नोव्हेंबरला निवडून येणारे आमदार हे तुळजाभवानी मंदिर समितीचे विश्वस्त असतील. #ElectionWithSakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Tulja Bhavani Temple : तुळजापूर मंदिराच्या विकासाचे भवितव्य: आमदारांची भूमिका महत्त्वाची

Related Stories