पैठण: ग्रामपंचायतीची धुरा सांभाळणाऱ्या सरपंच व उपसरपंचांच्या मानधनात शासनाने दुप्पट वाढ केली. आता सरपंचांना १० हजार रुपयांपर्यंत मानधन मिळणार आहे. याबाबतचा निर्णय मंत्रिमंडळाच्या बैठकीत घेण्यात आला. या निर्णयाचे पैठण तालुक्यातील सरपंच व उपसरपंच यांनी स्वागत केले.
पैठण तालुक्यातील ११० पैकी २० ग्रामपंचायतींच्या सरपंच व उपसरपंचांना हे मानधन प्रतिमहा मिळणार आहे. सरपंच व उपसरपंचांना अतिशय कमी मानधन दिले जात होते. त्यामुळे मानधनात वाढ करावी, अशी मागणी राज्यभरातील सरपंच संघटनांकडून केली जात होती. सरपंचाला महिन्याला दहा हजार, तर उपसरपंचाला चार हजार रुपये दिले जाणार आहेत.
दोन हजार लोकसंख्या असलेल्या गावाच्या सरपंचाला सहा हजार, तर उपसरपंचाला दोन हजार रुपये, दोन हजार ते आठ हजार लोकसंख्या असेल तेथील सरपंचाला आठ हजार, उपसरपंचाला तीन हजार रुपये व आठ हजारांपेक्षा जास्त लोकसंख्या असेल तेथील सरपंचाला १० हजार रुपये आणि उपसरपंचाला चार हजार रुपये मानधन दिले जाणार आहे.
गावाची जबाबदारी सांभाळणाऱ्या सरपंचांना कमी मानधन दिले जात होते. सरपंच, उपसरपंच यांच्या मानधनवाढीसाठी आम्ही सरपंच परिषदेच्या माध्यमातून राज्य शासनाकडे पाठपुरावा केला होता. राज्य शासनाने केलेल्या मानधनवाढीच्या निर्णयाचे स्वागत आहे.
: किशोर चौधरी, सरपंच, नवगाव-तुळजापूर ग्रुप ग्रामपंचायत, ता.पैठण.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
