Hatkanangale Assembly Election 2024 Results : हातकणंगले विधानसभा मतदारसंघांमध्ये महायुतीचे उमेदवार अशोकराव माने यांना एक लाख 36 हजार 946 मते मिळाली असून त्यांनी 46 हजार 397 मतांनी मतदारसंघातून विजय मिळवला आहे.
हातकणंगले राखीव विधानसभा मतदारसंघात उमेदवारी अर्ज माघारीच्या अखेरच्या दिवशी २५ उमेदवारांपैकी ९ उमेदवारांनी उमेदवारी अर्ज माघार घेतला होता. तर, १६ उमेदवार रिंगणात होते. मात्र, यापैकी आमदार राजू आवळे (काँग्रेस), माजी आमदार डॉ. सुजित मिणचेकर (स्वाभिमानी शेतकरी संघटना) आणि महायुतीचे उमेदवार अशोकराव माने या उमेदवारांमध्येच तिरंगी लढत होती. आरक्षित मतदारसंघ असला तरीही जातीय समीकरणे या निवडणुकीत महत्वाची ठरली.