Hingoli Assembly Election 2024 : हिंगोली कुणाचा बालेकिल्ला, मतदार करणार फैसला

हिंगोली : लोकसभा असो की विधानसभा हिंगोली जिल्हा म्हणजे शिवसेनेचा बालेकिल्ला हे समीकरण पक्के झाले होते. पण, आता पक्ष फुटीमुळे समीकरण बदलले आहे. दोन शिवसेना व दोन राष्ट्रवादी काँग्रेस झाले आहेत..गेल्या दोन विधानसभा निवडणुकीत हिंगोली जिल्हा महायुतीकडे होता. कळमनुरी व हिंगोलीत काँग्रेसचा एकही उमेदवार निवडून आला नाही. वसमतमध्ये शिवसेना विरुद्ध राष्ट्रवादी अशी लढत झाली होती. यामध्ये राष्ट्रवादी काँग्रेसने गड राखला होता.२०२४ च्या निवडणुकीत महायुती व महाविकास आघाडीत लढत होत आहे. हिंगोलीत भाजप विजयाची हॅटट्रिक साधण्यासाठी धडपडत आहे. तर, कळमनुरी मतदारसंघात शिवसेना विरुद्ध शिवसेना, वसमत मतदारसंघात राष्ट्रवादी विरुद्ध राष्ट्रवादी अशी लढत होत आहे. यामुळे जिल्हा कोणाचा बालेकिल्ला असणार याकडे लक्ष लागले आहे.हेही वाचा.Hingoli Vidhan Sabha Elections 2024: महामंडळ नको; निवडणुकीची संधी द्या !.हिंगोली जिल्हा शिवसेनेचा बालेकिल्ला म्हणून ओळखला जातो. लोकसभेत २०१९ मध्ये शिवसेनेने गड राखला होता. तर यावेळी लोकसभेत कळमनुरीत शिवसेना, हिंगोलीत भाजप तर वसमतमध्ये राष्ट्रवादी काँग्रेस विजयी झाले होते. युती आघाडीत जिल्ह्यातील हिंगोली भाजपकडे, कळमनुरी शिवसेना, तर वसमत राष्ट्रवादी काँग्रेसकडे होती. यावेळी तिन्ही ठिकाणी ते विजयी झाले.त्यानंतर पक्ष फुटीत कळमनुरीचे आमदार शिवसेना शिंदे गटाकडे, तर वसमतचे आमदार राष्ट्रवादी काँग्रेस अजित पवार गटाकडे गेले. हिंगोली भाजपकडे असल्याने सत्ता बदलात जिल्ह्यातील हिंगोली, कळमनुरी व वसमत विधानसभेत महायुतीचे आमदार आहेत..दरम्यान, यावेळी कळमनुरी येथे शिवसेना विरुद्ध शिवसेना, वसमत येथे राष्ट्रवादी विरुद्ध राष्ट्रवादी काँग्रेस यांच्यात लढत होत आहे.हिंगोलीत महाविकास आघाडीत काँग्रेसकडे असलेली ही जागा उबाठा गटाकडे गेली आहे. यामुळे हिंगोलीत भाजप विरुद्ध शिवसेना उबाठा अशी लढत होत आहे. यावेळी कळमनुरीत महाविकास आघाडीत ही जागा शिवसेना उबाठा गटाकडे आहे. यामुळे येथे शिवसेना विरुद्ध शिवसेना अशी लढत होत आहे.हेही वाचा.Hingoli Assembly Election 2024 : हिंगोली विधानसभा लढती ठरल्या, आता प्रचाराची रणधुमाळी .वसमत येथे राष्ट्रवादी विरुद्ध राष्ट्रवादी, तर हिंगोलीत भाजप विरुद्ध शिवसेना उबाठा अशी लढत होत आहे.गड राखण्यासाठी उमेदवाराची चढाओढलोकसभेत महाविकास आघाडीत शिवसेना उबाठा ने गड राखला आहे. यामुळे आता विधानसभेत कळमनुरी व हिंगोलीत महाविकास आघाडीत या जागा शिवसेना उबाठाकडे आहेत. यामुळे या ठिकाणी गड जिंकण्यासाठी धडपड सुरु आहे. वसमत येथे यावेळी दोन राष्ट्रवादी काँग्रेस मध्ये सामना होत असून येथे काट्यांची टक्कर होत आहे..यामुळे येथे कोण बाल्लेकिल्ला राखणार याकडे लक्ष लागले आहे. तर हिंगोलीत भाजप विरुद्ध शिवसेना उबाठा अशी लढत होत असून भाजप हॅटट्रिक च्या तयारीत आहे. काही वर्षे काँग्रेसकडे झुकलेला जिल्हा नंतरच्या काही वर्षात शिवसेना भाजपकडेही झुकला. दोघांनाही संधी देणारे मतदार आता २० नोव्हेंबरच्या मतदानातूनच बालेकिल्ल्याचा खरा सुभेदार निश्चित करणार आहेत.निवडून आलेले उमेदवार आणि पक्ष१९८५, हिंगोली विधानसभा, काँग्रेसचे साहेबराव पाटील कळमनुरी विधानसभा काँग्रेस रजनी सातव, वसमत विधानसभा काँग्रेस मुंजाजी जाधव यांनी विजय मिळविला होता. १९९०, हिंगोली विधानसभा भाजप बळिराम पाटील कोटकर, कळमनुरी विधानसभा शिवसेना मारोतराव शिंदे, वसमत विधानसभा शिवसेना डॉ. जयप्रकाश मुंदडा विजयी झाले होते. १९९५, हिंगोली विधानसभा भाजप बळिराम पाटील, कळमनुरी कम्युनिस्ट विठ्ठलराव नाईक, वसमत विधानसभा शिवसेना जयप्रकाश मुंदडा विजयी झाले होते. १९९९ हिंगोली काँग्रेस भाऊराव पाटील, कळमनुरी शिवसेना गजानन घुगे, वसमत शिवसेना डॉ. जयप्रकाश मुंदडा विजयी झाले होते..२००४ हिंगोली विधानसभा काँग्रेस भाऊराव पाटील, कळमनुरी विधानसभा शिवसेना गजानन घुगे, वसमत विधानसभा राष्ट्रवादी काँग्रेस जयप्रकाश दांडेगावकर विजयी झाले होते. २००९ हिंगोली विधानसभा काँग्रेस भाऊराव पाटील, कळमनुरी विधानसभा काँग्रेस राजीव सातव, वसमत विधानसभा राष्ट्रवादी काँग्रेस जयप्रकाश दांडेगावकर विजयी झाले होते.२०१४ हिंगोली विधानसभा भाजप तान्हाजी मुटकुळे, कळमनुरी विधानसभा काँग्रेस संतोष टारफे, वसमत विधानसभा शिवसेना डॉ. जयप्रकाश मुंदडा विजयी झाले होते. २०१९ मध्ये हिंगोली विधानसभा भाजप तान्हाजी मुटकुळे, कळमनुरी शिवसेना संतोष बांगर, वसमत राष्ट्रवादी काँग्रेस राजू नवघरे हे विजयी झाले होते. जिल्ह्यात मागील दहा वर्षांत हिंगोली भाजपकडे आहे. तर कळमनुरीत एक वेळा काँग्रेस व एक वेळा शिवसेना वसमत येथे एक वेळा शिवसेना एक वेळा राष्ट्रवादी काँग्रेस ने गड राखला आहे.#electionwithsakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Hingoli Assembly Election 2024 : हिंगोली कुणाचा बालेकिल्ला, मतदार करणार फैसला

Related Stories