अमरावती : पत्रकारांना मालकांचं ऐकावं लागतं, त्यामुळं ते मनासारखं काम करु शकत नाहीत अर्थात ते एक प्रकारे गुलामच झाले आहेत, अशा आशयाचं विधान काँग्रेस खासदार राहुल गांधींनी केल्यानं वादंग निर्माण झालं आहे. अमरावती जिल्ह्यातील धामणगाव रेल्वे इथं काँग्रेस उमेदवारांच्या प्रचारार्थ राहुल गांधी यांची शनिवारी जाहीर सभा झाली. यावेळी त्यांनी मीडिया आपल्याला म्हणावी तशी प्रसिद्धी देत नाही, अशी खंत व्यक्त केली.
