"एकाच घरात ३५ वर्षे सत्ता असून, या काळात नेमकं केलं काय? ज्या अपेक्षांनी निवडून दिलं त्या पूर्ण झाल्या का?''
काशीळ : महायुतीच्या माध्यमातून महाराष्ट्राचा विकास होत असताना त्‍यामध्‍ये सातारा जिल्हा कुठेही पाठीमागे राहता कामा नये. यासाठी कऱ्हाड उत्तरमधून मनोज घोरपडे यांना निवडून आणा. कऱ्हाड उत्तर मतदारसंघाच्‍या विकासाची जबाबदारी आमच्यावर आहे. ती आम्ही पूर्ण करू. जिल्ह्यात कुणावरही अन्याय होऊ देणार नाही. तालुक्यातील जनतेने आजपर्यंत आमच्यावर भरभरून प्रेम केले आहे. हे प्रेम कायम ठेवून महायुतीचे उमेदवार मनोज घोरपडे (Manoj Ghorpade) यांना साथ द्या, असे आवाहन खासदार उदयनराजे भोसले (Udayanraje Bhosale) व आमदार शिवेंद्रसिंहराजे भोसले यांनी केले.