Karjat Jamkhed Assembly Election 2024 result Marathi News: अहमदनगर जिल्ह्यातील कर्जत-जामखेड या विधानसभा मतदारसंघातून विद्यमान आमदार आणि राष्ट्रवादी काँग्रेस शरद पवार पक्षाचे उमेदवार रोहित पवार यांचा विजय झाला आहे. भाजपचे उमेदवार राम शिंदे यांचा त्यांनी पराभव केला. अत्यंत अटीतटीचा हा सामना झाला. रोहित पवारांचा अवघ्या १२४३ मतांनी विजय झाला.
जसा भाजपसाठी प्रतिष्ठेचा होता तसाच तो राष्ट्रवादी काँग्रेस शरद पवार गटासाठी देखील प्रतिष्ठेचा बनला होता. कारण या मतदारसंघाचे विद्यमान आमदार हे रोहित पवार आहेत. ते शरद पवारांचे केवळ नातूच नसून त्यांचे खंदे समर्थकही आहेत.
२०१९ च्या निवडणुकीत त्यांनी गेल्या दोन निवडणुकांमध्ये निवडून आलेल्या भाजपच्या राम शिंदे यांचा पराभव केला होता. आता चौथ्यांदा राम शिंदे इथं निवडणुकीच्या रिंगणात होते, तर रोहित पवार दुसऱ्यांदा.