तीनही पोटनिवडणुकीत काँग्रेसची बाजी; भाजप-धजद युतीला धक्का, माजी मुख्यमंत्र्यांचे दोन पुत्र पराभूत

बंगळूर : राज्यातील तीन विधानसभा मतदारसंघांच्या (Karnataka Assembly Result) पोटनिवडणुकीत सत्ताधारी काँग्रेसने (Congress) बाजी मारली. बदलाची अपेक्षा करणाऱ्यांना मतदारांनी जोरदार धक्का देत स्थिर राजकारणासाठी काँग्रेसला आशीर्वाद दिला. या निकालामुळे काँग्रेसला संडूरची जागा राखून ठेवण्यात यश तर आलेच, शिवाय धजदची चन्नपट्टण व भाजपची शिग्गावची जागा हिसकावून घेण्यातही यश आले. त्यामुळे आता काँग्रेस सदस्यांची विधानसभेतील संख्या आता १३८ वर गेली आहे.