"उमेदवार राहुल पाटील यांनी विरोधकांच्या पापाचा घडा भरला असून, विकासाच्या मुद्द्यावर बोलण्याऐवजी पातळी सोडून हीन भाषा वापरत आहेत. त्यांना करवीरचा स्वाभिमानी मतदार पराभूत करेल."
कोल्हापूर : पी. एन. पाटील (P. N. Patil) यांनी आपल्या आयुष्यातील पन्नास वर्षे गोरगरिबांच्या सेवेसाठी वेचली आहेत. या निष्ठावंताचा पुत्र तुमच्या आशीर्वादावर निवडणूक लढवत आहे. करवीरच्या निवडणुकीत एकीकडे पन्नास वर्षे काँग्रेस व लोकांशी निष्ठावंत असणाऱ्या घराण्यातील मुलगा राहुल पाटील उभा आहे; तर दुसऱ्या बाजूला बाळासाहेब ठाकरे व उद्धव ठाकरे यांची फसवणूक केलेला उमेदवार उभा आहे. राहुल पाटील यांना गगनबावडा, जुने करवीर व सांगरूळमधून मताधिक्य निश्चित आहे. त्यामुळे पन्हाळा तालुक्यात राहुल पाटील यांना विक्रमी मताधिक्य देऊन ऐतिहासिक विजयाचे साक्षीदार व्हा,’ असे आवाहन काँग्रेसचे जिल्हाध्यक्ष आमदार सतेज पाटील (Satej Patil) यांनी केले.