''माजी आमदार दिवंगत चंद्रकांत जाधव यांच्या माघारी जयश्री जाधव यांना जीवाचे रान करून आमदार केले. कोल्हापूर उत्तरमधून पहिली महिला आमदार म्हणून मान मिळवून दिला, याची जाण जाधव यांनी ठेवली नाही.''
कोल्हापूर : ‘कोल्हापूर उत्तरमधून चंद्रकांत जाधव यांना उमदेवारी देताना किंवा पदवीधर मतदारसंघातून मला किंवा माझ्या भावाला ऐनवेळी डावलले. तरीही, आम्ही काँग्रेसशी एकनिष्ठ म्हणून कोणाचा एक रुपयाही न घेता काम करत राहिलो. याचा कुठेतरी विचार झाला पाहिजे होता किंवा विश्वासात घ्यायला हवे होते’, अशी खंत काँग्रेस शहराध्यक्ष सचिन चव्हाण (Sachin Chavan) यांनी व्यक्त केली.