मधुरिमाराजे यांचे नाव निश्‍चित झाले, त्यांच्या प्रचारातही लाटकर यांना विरोध करणारे सक्रिय झाले, पण अचानक मधुरिमाराजे यांनीच माघार घेतल्याने मोठा भूकंप पक्षात झाला.
कोल्हापूर : ‘कोल्हापूर उत्तर’मधून (Kolhapur North Assembly Election) काँग्रेसच्या अधिकृत उमेदवार मधुरिमाराजे छत्रपती (Madhurimaraje Chhatrapati) यांच्या माघारीनंतर ‘सासूसाठी भांडण आणि सासूच वाट्याला आली’ अशी अवस्था माजी नगरसेवक राजेश लाटकर (Rajesh Latkar) यांच्या उमेदवारीला विरोध करणाऱ्या माजी नगरसेवकांची झाली आहे. महापालिकेच्या राजकारणात एकत्र असूनही एकमेकांची मने दुखावल्याचे पडसाद लाटकर यांच्या उमेदवारीला विरोध करण्यामागे होते, आता हे हेवेदावे विसरून कामाला लागण्याची गरज व्यक्त होत आहे.