शिवसेना प्रवेशानंतर जयश्री जाधवांचं सतेज पाटलांबाबत मोठं विधान; म्हणाल्या, 'त्यांना सांगण्याची गरज वाटली नाही'

कोल्हापूर : मी विद्यमान आमदार असतानाही कोल्हापूर उत्तरची उमेदवारी बदलताना मला विश्‍वासात घेतले नाही. आदल्या दिवशी रात्री उद्या उमेदवारी अर्ज दाखल करण्यासाठी या असा निरोप आला. मलाही कमी कालावधी मिळाला होता. मीही इच्छुक होते. आमदार सतेज पाटील यांनी थांबण्यासाठी सांगितले. मात्र, त्याचे उत्तर मिळाले नाही, त्यामुळे आज मी ठाण्यात मुख्यमंत्री एकनाथ शिंदे (CM Eknath Shinde) यांच्या उपस्थितीत शिवसेनेत प्रवेश केल्याची माहिती आमदार जयश्री जाधव (Jayashree Jadhav) यांनी पत्रकार परिषदेत दिली.