''कोकणचे वैभव कायम राखायचे असेल तर तुम्हाला भगव्याशिवाय आणि मशालीशिवाय पर्याय नाही.''
कणकवली/सावंतवाडी, मालवण : ‘आमच्यावर घराणेशाहीचा आरोप करणाऱ्या मोदींना सिंधुदुर्गातील राणेंची घराणेशाही दिसत नाही का?’ असा सवाल करून ‘महाराष्‍ट्र लुटून गुजरातचा विकास करणाऱ्या भाजपला सिंधुदुर्गातील बाप-लेकांसह काहीजण साथ देत आहेत. इथली पाणबुडी गुजरातला गेली तरीही ते गप्प राहिले. अशा महाराष्‍ट्रद्रोही बाप-लेकांना सिंधुदुर्गात थारा देऊ नका,’ असे आवाहन शिवसेना- उद्धव बाळासाहेब ठाकरे पक्षाचे प्रमुख उद्धव ठाकरे (Uddhav Thackeray) यांनी कणकवलीतील सभेत केले. सावंतवाडीत त्यांनी दीपक केसरकर (Deepak Kesarkar) यांच्यावर कडाडून टीका केली.